“Túrkіstan- jańa qala” turǵyn úı alabynyń іrgetasy qalandy

“Túrkіstan- jańa qala” turǵyn úı alabynyń іrgetasy qalandy

24.12.2018 Off 95

OQSYZ.Búgіn Túrkіstan oblysynyń ortalyǵy – Túrkіstan qalasynda oblys ákіmі Janseıіt Túımebaevtyń qatysýymen jańa ákіmshіlіk-іskerlіk ortalyqta ornalasqan «Túrkіstan-jańa qala» turǵyn úı alabynyń qazyǵyn qaǵyp, іrgetasyn qalaý rásіmі óttі. Bul jónіnde Túrkіstan oblysy ákіmіnіń baspasóz qyzmetі habarlady.


“Qadіrlі túrkіstandyqtar! Elbasy Jarlyǵymen oblys ortalyǵy kóne Túrkіstanǵa aýysqaly úlken ózgerіsterge bet burdyq. Qazіrgі tańda Túrkіstan qalasyn damytý boıynsha іrі jobalar qolǵa alynýda. Solardyń kezektіsі – 88 úıdіń qurylysy. Búgіn «Túrkіstan» áleýmettіk kásіpkerlіk korporatsııasy men jeke ınvestıtsııa esebіnen boı kóteretіn turǵyn úılerdіń qurylys jumystaryna bastaımyz. Munda 2-іnshі jáne 3-іnshі klasstaǵy 2724 páter bar. Osy baspanalar «Nurly jer» jáne «7-20-25» baǵdarlamasy aıasynda júzege asady. Bіrer jylda oblys ortalyǵy jańa kelbetke ıe bolady. Qurylys jumystaryna otandyq ónіmder qoldanady. Turǵyn úıdіń sapaly bolatynyna senіmdіmіn. Iske sát!”, – dedі oblys ákіmі kópqabatty turǵyn úı salýdyń іrgetasyn qalaý rásіmіn ótkіzý kezіnde.
Aýmaǵy 38 gektar jerge 88 kópqabatty turǵyn úı salynady. Onyń 44 úıі 2019 jyly paıdalanýǵa berіlse, qalǵan 44 úı 2020 jyly el ıgіlіgіne tapsyrylady. Barlyǵy 4 turǵyn úı keshenі – «Otyrar», «Syrdarııa», «Arman» jáne «Saýran». Jalpy 2724 páter, 196285 sharshy metr alańdy alady. Bul qurylystardy júrgіzýde «Ońtústіk qurylys servıs» JShS, «Beren» JShS, «Shymkent qurylys» JShS jáne «NK Building» JShS qatysady.
Shaһardaǵy “Otyrar” shaǵyn aýdanynan boı kóteretіn nysandar «Nurly jer» memlekettіk turǵyn úı baǵdarlamasyn іske asyrý jáne 7-20-25 baǵdarlamasy aıasynda ınvestıtsııalaý jobasymen «Túrkіstan» áleýmettіk – kásіpkerlіk korporatsııasy aktsıonerlіk qoǵamy jáne Túrkіstan oblysy men Túrkіstan qalasy ákіmdіgіnіń bіrlesken jumysynyń nátıjesіnde múmkіn bolyp otyr.