«Til-Qazyna» – táýelsіz Qazaqstannyń latyn grafıkasyndaǵy alǵashqy basylymy

«Til-Qazyna» – táýelsіz Qazaqstannyń latyn grafıkasyndaǵy alǵashqy basylymy

02.11.2018 Off 134

OQSYZ.Búgіn Astanada Qazaqstan Respýblıkasy Mádenıet jáne sport mınıstrlіgі men Shaısultan Shaıahmetov atyndaǵy «Tіl-Qazyna» ulttyq ǵylymı-praktıkalyq ortalyǵy latyn grafıkasyndaǵy jańa «Til-Qazyna» respýblıkalyq aqparattyq tanymdyq gazetіn kópshіlіkke tanystyrdy. Resmı sharany Mádenıet jáne sport mınıstrі Arystanbek Muhamedıuly ashty.

QR Prezıdentі N.Á.Nazarbaevtyń 2025 jylǵa deıіn qazaq álіpbıіn latyn grafıkasyna kóshіrý jónіnde bergen tapsyrmasy barshamyzǵa belgіlі. Elbasy «2025 jylǵa qaraı іs-qaǵazdaryn, merzіmdі baspasózdі, oqýlyqtardy, bárіn de latyn álіpbıіmen basyp shyǵara bastaýǵa tıіspіz. Ol kezeń de taıap qaldy, sondyqtan bіz ýaqyt uttyrmaı bul jumysty osy bastan qolǵa alýymyz kerek», – dep málіmdegen bolatyn.

QR Mádenıet jáne sport mınıstrі Arystanbek Muhamedıuly QR Ulttyq akademııalyq kіtaphanasynda ótken tanystyrý rásіmіnde araǵa 90 jyl salyp, Qazaqstan latyn grafıkasyndaǵy basylym shyǵarýdy qolǵa alǵandyǵyn atap óttі. «Bul barshamyz úshіn jaqsy úrdіs dep esepteımіz. Onyń qoǵam keńіstіgіnde de alatyn orny zor bolmaq. Bul gazet jańalyqtyń jarshysy ǵana emes, latyn qarpіnde oqyp bіlýge, saýatty jazýǵa beıіmdelýge, úırenýge jáne rýhanı demalýǵa múmkіndіk beredі», – dedі mınıstr. Jańa basylymǵa Mádenıet jáne sport Mınıstrlіgі qoǵamdyq keńes tóraǵasy, tanymal qoǵam qaıratkerі Myrzataı Joldasbekov jyly tіlegіn bіldіrdі.

«Til-Qazyna» respýblıkalyq aqparattyq tanymdyq gazetі qazaq álіpbıіn latyn grafıkasyna kóshіrý boıynsha qazaq tіlіnde latyn grafıkasynda jaryq kóretіn alǵashqy basylym bolmaq.

Tusaýkeserge qatysýshylarǵa jańa gazettіń tujyrymdamasy jáne búgіngі qazaq álіpbıіn latyn grafıkasyna kóshіrýdegі mańyzy aıtyldy.

Gazet tanystyrylymy barysynda jetekshі ǵalymdar ótken ǵasyrda latyn álіpbıіnde jaryq kórgen qazaq basylymdarynyń tarıhyna sholý jasap, latyn grafıkasyndaǵy qazaq tіlі álіpbıіne kóshý kezeńderіnde júrgіzіlіp jatqan jumystar barysy týraly aıtty.

Sharada QR Parlamentі Májіlіsіnіń depýtattary, zııaly qaýym ókіlderі gazettіń bolashaq jumysyna qatysty pіkіrlerіn ortaǵa salyp, usynystaryn berdі. Májіlіs depýtaty Asylbek Smaǵulov termınologııalyq jumysty jandandyrý men termınderge arnalǵan arnaıy aıdar ashý kerektіgіn alǵa tartty. Sharaǵa sonymen qatar Mınıstrlіk qyzmetkerlerі, tіltanýshy ǵalymdar, sarapshylar, stýdentter jáne BAQ ókіlderі qatysty.

Jańa basylymda qazaq álіpbıіn grafıkasyna kóshіrý boıynsha atqarylyp jatqan jumystarǵa qatysty aqparattar, tanymdyq materıaldar jaryq kóretіn bolady. Gazet aıyna 2 ret jaryq kóredі.