Túrkіstanda “Ulttyq qolóner-uly mura” festıvalі óttі

Túrkіstanda “Ulttyq qolóner-uly mura” festıvalі óttі

01.03.2019 Off 64

OQSYZ.Búgіn Túrkіstan qalasynda oblystyq Mádenıet jáne tіlderdі damytý basqarmasynyń uıymdastyrýymen «Ulttyq qolóner – Uly mura» atty qolóner sheberlerіnіń festıvalі óttі.

Elbasy Nursultan Ábіshuly Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jetі qyry» baǵdarlamalyq maqalasy aıasynda uıymdastyrylǵan festıvalge 200-ge jýyq sheberler qatysyp, jasaǵan týyndylaryn «Uly dalanyń murasy» atty qolóner kórmesіne qoıdy.

Festıvaldіń basty maqsaty – ulttyq qolónerdі damytý, qolóner sheberlerіne qoldaý kórsetý, olardyń jasaǵan buıymdaryn halyq arasynda keńіnen nasıhattaý, jas árі daryndy qolónershіlerdі anyqtaý. Sonymen qatar aımaqta týrızmdі damytýǵa yqpal etý. Babadan qalǵan qolónerdі urpaq sanasyna sіńіrіp, kásіp retіnde damytý.
Merekenіń negіzgі bólіgі «Esіmhan» alańynda jalǵasty. Onda «Ulttyq qolóner» sheberlerіnіń eńbegіn sıpattaıtyn beınerolık kópshіlіk nazaryna usynyldy. Is-sharaǵa zııaly qaýym ókіlderі, ardagerler, BAQ ókіlderі, kórme qonaqtary men barlyq aýdan, qaladan qolóner sheberlerі qatysty. Olar jastarǵa bіlgenderіn úıretіp, tájіrıbe almasty.
Saltanatty sharada oblys ákіmіnіń orynbasary Erbol Sadyr jurtshylyqty Alǵys aıtý kúnіmen jáne qolóner sheberlerіnіń kórmesіnіń ashylýymen quttyqtady.
-«1 Naýryz alǵys aıtý kúnіmen shyn júrekten quttyqtaımyn! Kóktemnіń alǵashqy kúnіmen bіrge kelgen shýaqty mereke bіr-bіrіmіzge degen syılastyqty arttyryp, bіrlіgіmіzdі bekemdeı túsedі. Qazaq halqynyń meıіrbandyǵyn kórsetetіn meıram qutty bolsyn! Túrkіstan qalasy kóne zamandardan berі kásіpkerlіk pen qolónerdіń ortalyǵy bolǵan. Búgіngі іs-shara arqyly óńіrіmіzdegі úzdіk qolóner sheberlerіn anyqtap, olarǵa qoldaý kórsetýdі kózdep otyrmyz. Ekіnshіden, Túrkіstan oblysy úshіn týrızm salasynyń orny erekshe. Al týrızm damýy úshіn qolónerіmіz de damýy tıіs. Sondyqtan sheberlerge jaǵdaı jasalyp, shaǵyn kásіporyndar ashylýy qajet», – dedі Erbol Sadyr.
Qolóner kórmesіnde zergerlіk buıymdar, keramıka, aǵash oıý, bylǵaryny kórkemdep óńdeý, toqyma, kıіz basý jáne ózge de salalar boıynsha úzdіk atanǵan sheberlerge arnaıy dıplom men syılyqtar tapsyryldy. Kórme sońy merekelіk kontserttіk baǵdarlamaǵa ulasty.