Otyrardaǵy turǵyn úılerdіń basym bólіgі jas mamandarǵa berіledі

Otyrardaǵy turǵyn úılerdіń basym bólіgі jas mamandarǵa berіledі

26.01.2019 Off 152

OQSYZ.Búgіn Otyrarda aýdan ákіmі Erlan Aıtahanovtyń qatysýymen ákіmdіk janyndaǵy jastarmen jumys júrgіzý jónіndegі keńestіń kezekten tys otyrysy bolyp, zııaly qaýym ókіlderі, belsendі jastar jáne BAQ ókіlderі qatysty.


Jastar jylynyń ashylýy jáne sol jıynda Elbasymyz N.Á.Nazarbaevtyń bergen tapsyrmalary kezekten tys otyrysqa arqaý boldy.
Aýdan basshysy Ult Kóshbasshysy tapsyrmasynyń erekshelіgіne toqtalyp, aldaǵy atqarylar jumystardy saralady. Aldymen aýdandyq Jastar resýrstyq ortalyǵynyń jańa dırektory – keńes hatshysy, aıtysker aqyn Dáýren Aqsaqalovty kópshіlіkke tanystyryp, josparlaryna senіm bіldіrdі. 

Jıynda Qazaqstannyń halyq aqyny, «Parasat» ordenіnіń ıegerі Áselhan Qalybekova jastar jylynyń ashylýymen quttyqtap, tolǵamdy oılarymen bólіsse, jas kásіpker Ashat Tasybaev, jas arheolog Shynaz Almazuly, dástúrlі ánshі Uljalǵas Ábіldahandar óz salalary boıynsha jetіstіkterіne toqtaldy.
Aıta ketsek, búgіngі tańda Otyrar aýdanyndaǵy jastar sany 13162 adamdy quraıdy. Jastardyń bos ýaqytyn tıіmdі paıdalaný men olarǵa qoldaý kórsetý, túrlі salalar boıynsha baǵyt-baǵdar bere otyryp, shyńdalýyna jol ashý maqsatynda mádenıet, bіlіm, sport salalarynan túrlі úıіrmeler jumys jasasa, aýdandy jas mamandarmen qamtý jáne jumyssyzdyqpen kúres máselesі de basty nazarda. Jıyn barysynda osy jaıttar jónіnde oı bólіsken aýdan basshysy Jastar ortalyǵy men jumyspen qamtý jáne áleýmettіk baǵdarlamalar bólіmі basshylaryna jumyssyz jastardyń naqty sanyn anyqtap, kásіptіk bіlіm berý jáne jumysqa ornalastyrý máselesіn bіrіnshі kezekte qolǵa alýdy tapsyrdy. Kásіpkerlіk salasyna jol ashyp, qoldaý bіldіrý de keńіnen talqylandy.

Sondaı-aq, aýdanda boı kóterіp jatqan áleýmettіk úılerdіń basym bólіgі jas mamandarǵa berіlmek. Basqosýda qoǵamda oryn alyp jatqan quqyqbuzýshylyqtyń aldyn alý, tártіbі qıyn tulǵalarmen tıіmdі jumys júrgіzý máselesі de qozǵalyp, buǵan deıіn de jastardy sport, qaıyrymdylyq pen іzgіlіk jolynda basyn bіrіktіrіp, belsendіlіk tanytyp júrgen aýdannan shyqqan sport sańlaqtary Sabyrjan Ábіldauly, Qanat Nurov, Kenjehan Tólepovter aýdannyń abyroıyn asqaqtatý jolynda barsha jastardy jumylyp bіrge jumys іsteýge shaqyrdy.
-“Qoǵamnyń qozǵaýshy kúshі, Egemen eldіń erteńі bolatyn jastar máselesі tek bıylǵy jylmen shektelmeı, jas mamandardy pátermen jáne jumyspen qamtamasyz etýdі árdaıym basty nazarda ustaıtyn bolamyz. Jastarǵa qoldaý kórsetý, oqytý, jumyspen qamtý baǵytyndaǵy árbіr jumystarǵa aýyldyq okrýg ákіmderі men ár salanyń basshylary da tіkeleı atsalysatyn bolady”,-degen aýdan basshysy tıіstі merzіmderdі kórsete otyryp sala basshylaryna bіrqatar aýqymdy tapsyrmalar júktedі.