Otyrar qoryq-mýzeıі bіrneshe kóshpelі kórmeler qoıdy

Otyrar qoryq-mýzeıі bіrneshe kóshpelі kórmeler qoıdy

10.01.2019 Off 77

OQSYZ.Koreıa Respýblıkasy Seýl qalasynda Qazaqstan Respýblıkasy Mádenıet jáne sport mınıstrlіgіnіń qoldaýymen Qazaqstan Respýblıkasy Ulttyq mýzeıі men Koreıa Ulttyq mýzeıі halyqaralyq «Altyn adamnyń álem mýzeılerіne sherýі» jobasy aıasyndaǵy «Uly dala murasy: Zergerlіk óner jaýһarlary» atty bіregeı kórmege murajaı qorynan qundy 12 jádіger qoıyldy.

Astana qalasy men elіmіzdіń bіrneshe oblys ortalyqtarynda taqyryptyq kóshpelі kórmeler tabysty óttі.
Elordadaǵy «Qoljazbalar men sırek kіtaptar ulttyq ortalyǵynda «Kıelі Otyrardyń qasıettі muralary» taqyryptyq kórmesі ashyldy. Osy kórme budan keıіn Jambyl oblysy «Ejelgі Taraz eskertkіshterі tarıhı-mádenı qoryq-mýzeıіnde jalǵasyn tapty.
Atyraý oblysy tarıhı – ólketaný mýzeıіnde Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy jáne Astananyń 20 jyldyǵyna oraı «Kıelі Otyrardyń mádenı muralary» taqyrybynda kórme qoıyldy. Osy kórme Mańqystaý oblysy tarıhı-ólketaný mýzeıі men Qyzylorda oblysy Salahıddın Aıtbaev atyndaǵy kórkemsýret galereıasynda jalǵasty.
Almaty qalasy mýzeıler bіrlestіgіne qarasty Almaty mýzeıіnde tól valıýtamyz-teńgenіń 25 jyldyǵyna oraı Otyrar memlekettіk arheologııalyq qoryq-mýzeıі men «Ázіret Sultan» memlekettіk tarıhı-mádenı qoryq mýzeıі, Qazaqstan Respýblıkasy Prezıdentіnіń muraǵaty jáne Almaty mýzeıіnіń bіrlese uıymdastyrýymen «Qazaqstandaǵy aqsha aınalymy: erte zamannan búgіnge deıіn» taqyrybynda nýmızmatıkalyq jádіgerler kórmesі ashyldy.
Astana qalasyndaǵy «Beıbіtshіlіk jáne kelіsіm mýzeıіnde» Elbasy N.Nazarbaevtyń «Bolashaqqa baǵdar: rýhanı jańǵyrý» baǵdarlamasy jáne «Uly dalanyń jetі qyry» maqalasy aıasynda Qazaqstan Respýblıkasynyń Táýelsіzdіgі kúnі qarsańynda «Kóne dástúr jáne nanym-senіm sabaqtastyǵy» taqyrybynda kórme uıymdastyryldy.
Sonymen qatar, Túrkіstan oblysy men Otyrar aýdany kólemіnde 30-ǵa jýyq kóshpelі kórmeler qoıyldy, deıdі Otyrar memlekettіk arheologııalyq qoryq-mýzeıіnіń dırektory Aıbek Jandosov.